लन्डन दूतावासमा लोकतन्त्र दिवस

चिरन शर्मा, लण्डन- नेपाली दूतावास लन्डनको आयोजनामा पाचौं लोकतन्त्र दिवस सम्पन्न भएको छ। राजाले खेलका नियम पालन नगर्दा १ सय ४० वर्ष पुरानो राजतन्त्र अन्त्य भएको कार्यक्रम बेलायतका लागि नेपाली राजदूत डा. सुरेसचन्द्र चालिसेले बताए। सामाजिक र लोकतान्त्रिक क्रान्ति देशमा भएकोले त्यसलाई निष्कर्षमा पुर्‍याउने काम चुनौतीपूर्ण भएकाले समय लाग्नु स्वभाविक रहेको विचार राजदूत डा. चालिसकेको थियो । राजतन्त्रको अन्त्य हुनु अहिलेसम्मकै सबैभन्दा ठूलो राजनीतिक उपलब्धि भएको चर्चा गर्दै अब लोकतन्त्र कसैले पनि खोस्न नसक्ने दावी राजदूत डा. चालिसेले गरे । लोकतन्त्र दिवसले देशमा शान्ति र संविधान ल्याउन नेता तथा राजनीतिक नायकहरुलाई प्रेरणा दियोस् भन्ने शुभकामनासमेत उनले दिए।

उपस्थितलाई मिनिस्टर काउन्सिलर झविन्द्र अर्यालले स्वागत गरेका थिए भने कार्यक्रम सञ्चालन गणेश अधिकारीले गरेका थिए । नेपाली राष्ट्रिय ज्ञानबाट सुरु भएको कार्यक्रममा सहिदको सम्झनामा एक मिनेट मौनधारणसमेत गरिएको थियो । कार्यक्रममा एनआरएन यूके अध्यक्ष सूर्य गुरुङ, उपाध्यक्षद्वय कुल आचार्य, महेन्द्र कँडेल, एनआरएन आइसिसी सदस्य डा‍. हेमराज शर्मा, जनसम्पर्क समिति बेलायतका अध्यक्ष लोक गुरुङलगायत पत्रकार, बुद्धिजीवी र पेसागत संघ संगठनका ब्यक्तिहरुको विषेश उपस्थिति थियो। कार्यक्रममा गत वर्षभन्दा यसवर्ष सहभागीको उपस्थिति न्यून थियो ।साभार - नागरिक