ट्वीन अनुहारमा देवयानी कुन् ?

काठमाडौं २९ कात्तिक,

दायाँका दुई फरक तस्विरहरू हेर्दा तपाईँ झुक्किन सक्नुहुन्छ । यी ट्वीन अनुहारलाई लिएर धेरैजना कन्फ्युज पनि बनिरहेका छन् । तर, कन्फ्युज धेरै दिन टिक्नेछैन । एकसातापछि रिलिज हुने सिनेमा 'देवयानी'ले धेरैको जिज्ञासा मेटाइदिनेछ । तस्विरमा एउटी हुन् रिएल देवयानी र अर्की हुन् रिलकी देवयानी । रिएलकी देवयानी अर्थात दरबार हत्याकान्डमा मारिएका तत्कालिन राजा दीपेन्द्रकी प्रेमिका ।

रिलकी प्रेमिका अर्थात चलचित्र 'देवयानी'की लिड एक्ट्रेस तथा हिरोइन बिमला केसी । डेब्यु गर्ल बिमलाको अनुहार काटीकुटी वास्तविक देवयानीको अनुहारसँग मिल्ने भएपछि यसको चर्चा अझै चुलिएको छ । निर्देशक बस्नेतले वास्तविक देवयानीको फेस मिल्ने बिमलालाई खेलाएको भनेर पनि रजतपट वृत्तमा कुरा चल्ने गरेको छ । तर, रिलकी देवयानी उनै बिमला हुन् जो कराँतेकी खेलाडी पनि हुन् ।

चलचित्रमा एक्सन सट्हरू दिनुपर्ने भएपछि विमलालाई खेलाइएको हो । प्रोमो हेर्दा लाग्छ –विमला एक्सनमा जमेकी छिन् । आफ्नो अनुहार देवयानी राणासँग मिल्ने भएपछि बिमलाले मेरोसिनेमासँग भनिन्, ‘देवयानीलाई प्रत्यक्ष भेट्न त सकेको छैन तर धेरैले उहाँको बानी र अनुहार मसँग मिल्छ भन्दा खुसी लागेको छ ।’ सोसल ड्रामा श्रेणीको चलचित्रमा बिमला निखिल उप्रेतीको अपोजिटमा छिन् । उनलाई यतिबेला अन्य प्रोजेक्टबाट अफर पनि आइरहेको छ तर ‘देवयानी’को प्रतिक्रिया पछि मात्र उनी काम अघि बढाउन चाहन्छिन् ।अनलाइन खबर