अनलाइन खबर /Share
१० कार्तिक, काठमाडौं । नेपाल प्रहरीको केन्द्रीय अनुसन्धान ब्युरो सीआईबीले माओवादी मजदुर नेता शालिकराम जमकट्टेलमाथि बाबुराम पक्षीय मजदुर नेता रमेश पन्तको निर्देशनमा शिविरका लडाकुबाट आक्रमण भएको दावी गरेको छ । सीआईबीले बिहीबार पत्रकार सम्मेलन गरी आक्रमणको मुख्य योजनाकार अखिल नेपाल ट्रेड युनियन महासंघका निवर्तमान महासचिव तथा अखिल नेपाल होटल तथा रेष्टुरा मजदुर संघका निवर्तमान अध्यक्ष काभ्रे बिर्तदेउरालीका रमेश भनिने तारानिधी पन्त भएको जनाएको छ । उनी प्रधानमन्त्री डा. बाबुराम भट्टराई पक्षका सिमित महत्वपूर्ण मजदुर नेता हुन् ।
 |
| तस्विर:अनलाईन खबर |
सीआईबीले माओवादी मजदूर युनियनमा देखिएको राजनीतिक तथा आन्तरिक मतभेदका कारण घटना भएको बताएको छ । अनुसन्धानका क्रममा रमेशले रोजगारीको प्रलोभन देखाएर जमकट्टेलमाथि आक्रमण गर्न लगाएको खुलेको प्रहरीले बताएको छ । पन्तले ‘सबक सिकाउने हो, मार्नेगरि नहान्नु’ भन्ने निर्देशन दिएको सीआईबीले बताएको छ । आक्रमणमा बाबुरामको निर्देशनबारे सोधिएको प्रश्नमा सीआईबीले आन्तरिक विवादले आक्रमण भएको पाइएको भन्दै भट्टराईको संलग्नता नदेखिएको प्रष्ट पारेको छ । मुख्य योजनाकार मानिएका पन्त हाल फरार रहेका छन् ।
सभासद् जमकट्टलमाथि गत भदौ १० गते काठमाडौँको बबरमहलमा धारिलो हतियार प्रहार गरी आक्रमण भएको थियो ।
No comments:
Post a Comment